Healthy Icecream (झटपट आणि आरोग्यपूर्ण आईसक्रीम)

कधी कधी मुलं आईसक्रीमसाठी फारच हट्ट करतात. पण दरवेळी त्यांचा हट्ट पूर्ण करण आरोग्याच्या दृष्टीने परवडण्यासारख नसत. अश्यावेळी  घराच्या घरी, झटपट आणि आरोग्यपूर्ण असं हे आईसक्रीम बनवून त्यांचा हट्ट पूर्ण करता येईल. म्हणजेच  बच्चे भी खुश और मम्मी भी खुश ....

Recipe in English, click here.

साहित्य:

• केळी- २
• खजूर- १०
• खजूर, छोटे तुकडे करून- १ टेबलस्पून
• बदाम, चकत्या करून-  १ टेबलस्पून
• कॅंडिड चेरी-३

कृती:

• खजूर २-३ तास पाण्यात भिजत घाला म्हणजे ते मऊ होतील. आतील बिया काढून टाका.
• मिक्सरच्या भांड्यात केळी कापून टाका. त्यात भिजवलेले खजूर पण टाका.
• मिक्सरवर छान मऊसुत वाटून घ्या.
• त्यात खजुराचे आणि बदामाचे अर्धे तुकडे घाला.
• मिश्रण व्यवथित एकत्र करून फ्रीझरला किमान ३० मिनिटे ठेवा.
• नंतर त्याचे स्कूप करून त्यावर उर्वरित खजुराचे आणि बदामाचे तुकडे पसरवा.
• त्यावर चेरी ठेऊन  सजवा आणि आपल्या बच्चा कंपनीला खुश करा.

Upavasachya Kachorya (उपवासाच्या कचोऱ्या)

Read this recipe in English......click here.


साहित्य:

• उकडलेले बटाटे- ४ (२५० ग्रॅम )
• आरारूट किंव्हा साबुदाणा पीठ- अंदाजे ६ टेबलस्पून 
• लाल तिखट- १/४ टीस्पून 
• जीरे पूड- १/४ टीस्पून 
• ताजे खोवलेले खोबरे - १/२ कप 
• मनुका- २ टेबलस्पून 
• काजू तुकडे, तळून  किंव्हा भाजून - २ टेबलस्पून  
• हिरवी मिरची, बारीक चिरून किंव्हा ठेचून- २
• जीरे- १/२  टीस्पून
• साखर- १ टीस्पून किंव्हा आवडीप्रमाणे 
• चवीपुरते मीठ
• शेंगदाणा तेल किंव्हा तूप, तळण्यासाठी- आवश्यकतेनुसार 

कृती:

• उकडलेले बटाटे कुस्करून किंव्हा किसणीवर किसून घ्यावेत. 
• त्यात मिरची पूड, जिरे पूड, मीठ आणि आवश्यकतेनुसार आरारूटचे पीठ घालावे. व्यवस्थित मळून मऊसर गोळा बनवावा. 
• मळलेल्या पीठाचे लिंबाएवढे गोळे बनवावे. तेलाच्या हाताने मोदकाच्या पारीप्रमाणे वाटीसारखा किंव्हा पुरी सारखा आकार देऊन त्यात चमचाभर सारण घालून कडा जुळवून कचोरी वळावी. अशाप्रकारे सर्व कचोऱ्या बनवाव्यात. 
• पीठात  घोळऊन कचोऱ्या मध्यम आचेवर सोनेरी रंगावर तळून काढाव्यात.
• उपवासाच्या चटणीबरोबर किंव्हा गोड दह्यासोबत वाढाव्यात.

सूचना: 

•  कचोऱ्या गरमच खाण्यास द्याव्यात. थंड झाल्यावर मऊ पडतात त्यामुळे चांगल्या लागत नाही.
• कच्चे सारण आवडत नसेल तर थोड्याश्या तूपावर जिरे, हिरवी मिरची, खोबरे आणि इतर साहित्य नीट परतून सारण बनवावे.
• सारणात चालत असल्यास कोथिंबीर घालू शकता.
• आंबट-गोड चव आवडतं असेल तर सारणात अर्ध लिंबू पिळून घाला.  
• कचोऱ्या उपवासासाठी करायच्या नसतील तर आरारूटच्या एवजी कॉर्न फ्लोअर वापरू शकता. 
• साखरेचे प्रमाण कमी जास्त करू शकता तश्या ह्या कचोऱ्या गोडसरच असतात.  
• वरील प्रमाणात १२ कचोऱ्या होतील.  

Naralipak (नारळीपाक/ खोबऱ्याच्या वड्या)

रक्षाबंधन आणि नारळी पौर्णिमेच्या हार्दिक शुभेच्छा !!! 

Read this recipe in English.........click here.


साहित्य: 

• खवलेलं खोबरं-  १ कप (कपात खोबरं जेवढे दाबून भरता येईल तेवढे भरावे )
• साखर- १ कप
• साईसकट  दुध- १/२ कप
• वेलची पावडर- १/२ टीस्पून
• साजुक तूप- १ टेबलस्पून + १ टीस्पून

कृती:

• नारळ खवताना शेवटपर्यंत खवू नये. फक्त पांढर खोबरच वापरावे. 
• ताटाला तूप चोळून ठेवावे नंतर घाई होते. 
• नॉन स्टिक किंव्हा जाड बुडाच्या एका मोठ्या कढईत तूप गरम करावे. 
• त्यात खवलेलं खोबरं,साखर आणि दुध एकत्र करून मध्यम आचेवर परतावे. सतत ढवळावे नाहीतर खाली लागेल. 
• प्रथम साखर वितळेल आणि मिश्रण पातळ होईल पण नंतर मिश्रण घट्ट होऊ लागेल. 
• त्यात वेलचीपूड घाला आणि परतत रहा. थोड्यावेळानी कढईच्या कडेने मिश्रण सुटू लागेल व कोरडं पडायला लागेल. याचा अर्थ मिश्रण तयार झाले. (मिश्रण जास्तीवेळ शिजले तर वड्या पडणार नाहीत आणि गार झाल्यावर मिश्रणाचा चुरा होईल.)
• मिश्रण गॅसवरून उतरावे व तूप लावलेल्या ताटात सर्वत्र सारखे पसरावे. 
• ते गरम असतानाच सुरीने वड्या पाडा. गार झाल्यावर वड्या काढून घ्या. 
• हवाबंद डब्यात ठेवा. लवकर संपवून टाका त्या फार काळ बाहेर टिकत नाहीत. ८ दिवसापेक्षा जास्त ठेवायच्या असतील तर फ्रीजमध्ये ठेवाव्यात.  (पण फ्रीझमध्ये वड्यांची चव बदलते.)    

वैविध्य: 

• वरील दुधात चिमुटभर केसर टाकला तर छान रंग आणि स्वाद येईल. (आमच्या गावी दुकानात जो नारळीपाक मिळतो त्यात ते लोक केशरी रंग वापरतात.) 
• दुधाऐवजी १०० ग्रॅम खवा किंव्हा अर्धा डबा कण्डेन्स्ड मिल्क वापरले तर वड्या बर्फीसारख्या लागतात. 
• दुधाऐवजी टोमाटोचा घट्ट रस वापरला तर वड्यांना छान आंबट-गोड चव व रंग येतो. 
• दुधाऐवजी आंबा रस वापरला कि झाल्या आंबा-खोबरे वड्या. 
• वड्यांमध्ये गाजराचा किंव्हा बीटाचा कीस वापरता येतो. कसे ते पाहायचे आहे का? मग माझी "बीट -खोबऱ्याच्या वड्या" हि रेसिपी वाचा. (रेसिपी वाचण्यासाठी रेसिपीच्या नावावर क्लिक करा.)