किती सोप्पी आणि सहज घरात असणाऱ्या पदार्थांपासून होणारी ही पाककृती. पण उपवास म्हटला की आपण साबुदाणा खिचडी आणि साबुदाणा वडा याच्या पलीकडे जाताच नाही. उपवासाच्या दिवसात पोटाला आराम देणारी आणि तेलकट नसलेली एक छानशी पारंपारिक आणखी एक विस्मृतीत गेलेली आजीची पाककृती.......
ज्या दिवशी उपास नसेल तेव्हा हा पदार्थ तांदुळाच्या रव्यापासून पण बनवला जातो.
ज्या दिवशी उपास नसेल तेव्हा हा पदार्थ तांदुळाच्या रव्यापासून पण बनवला जातो.
साहित्य:
- वरीचे तांदूळ- १ कप
- साखर किंव्हा चिरलेला गुळ - १ कप
- खवलेले ओले खोबरे- १ कप
- वेलची पूड- १ टीस्पून
- साजूक तूप- २ टीस्पून
- पाणी- १ १/२ कप
कृती:
- वरी तांदूळ निवडून, धुऊन चाळणीत निथळत ठेवावेत. पूर्ण निथळून द्यावेत.
- एकीकडे पाणी गरम करत ठेवावे.
- नॉन-स्टीक कढईत तूप गरम करून धुतलेले वरीचे तांदूळ गुलाबी रंगावर परतून घ्यावेत.
- त्यावर उकळते पाणी घालून हलवावे. झाकण ठेऊन दोन वाफा काढाव्यात.
- वरी तांदूळ शिजले की ओले खोबरे, साखर किंव्हा गुळ, वेलची पूड घालावी. चांगले ढवळून झाकण ठेऊन वाफ काढावी.
- थाळीला तूप लाऊन शिजलेले मिश्रण थापावे.
- थोडे थंड झाले की त्याच्या वड्या कापाव्या.
Healthy breakfast on fasting day!
ReplyDelete