उपवासासाठी हा एक लोकप्रिय आणि आरोग्यपूर्ण, कमी उष्मांक असणारा असा हा पर्याय आहे. काही लोक हे लाडू दूधाबरोबर खातात. बाजारात राजगिऱ्याचे लाडू मिळतात, पण घरी केलेल्या लाडवाची लज्जतच न्यारी !
Read this recipe in English......click here.
राजगिऱ्याची खीर: राजगिऱ्याचा लाडू वाटीमधे ठेवून त्यावर खूप गरम झालेले दूध हळूहळू ओतावे, त्यामुळे राजगिऱ्याचा लाडू फुटून दुधामधे विरघळतो. ही झाली झटपट राजगिऱ्याची खीर.
Read this recipe in English......click here.
साहित्य:
- चिक्कीचा गूळ- १ कप
- राजगिऱ्याच्या लाह्या - ५ कप
- साजूक तूप- २ टीस्पून
- भाजलेले शेंगदाणे - १/४ कप (एच्छिक)
- वेलची पूड- १ टीस्पून
कृती:
- शेंगदाण्याचे जाडसर तुकडे करून घ्या. कुट करू नका.
- गूळ आणि तूप एकत्र करून गुळाचा पाक करून घ्या. अधिक माहितीसाठी तीळगुळ ची पाककृती पहा.
- पाक झाला की ग्यास बंद करून त्यात लाह्या, शेगदाणे आणि वेलची पूड मिसळा. छान एकत्र करून गरम असतानाच पटापट छोटे छोटे लाडू करा. साधारण तिळगूळापेक्षा थोडे मोठे लाडू बनवा. दुकानाचे लाडू फार मोठे असतात, खायला कंटाळा येतो.
- किंव्हा.........ताटाला थोडेसे तूप लाऊन त्यात वरील मिश्रण वाटीच्या साह्याने थापा. लगेचच सुरीने वड्या पाडा पण थंड झाल्यावरच त्याचे तुकडे करा.
- थंड झाल्यावर हवाबंद डब्यात भरून ठेवा.
No comments:
Post a Comment
आपल्या प्रतिसादाने नवीन गोष्टी करण्यास उत्साह मिळतो. आपला अभिप्राय, सुचना आम्हाला ज़रूर कळवा. आपल्या प्रेमाचा वर्षाव असाच कायम राहो.